ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਬਾਰ ਐਸੋਸੀਏਸ਼ਨ ਦੀ ਅੱਜ ਹੋਈ ਚੋਣ ਵਿੱਚ ਵਿਕਾਸ ਮਲਿਕ ਨੇ 1536 ਵੋਟਾਂ ਹਾਸਲ ਕਰਕੇ ਪ੍ਰਧਾਨਗੀ ਦੇ ਅਹੁਦੇ ‘ਤੇ ਜਿੱਤ ਪ੍ਰਾਪਤ ਕਰ ਲਈ। ਇਸ ਅਹੁਦੇ ਲਈ ਚੋਣ ਲੜ ਰਹੇ ਦੂਜੇ ਉਮੀਦਵਾਰਾਂ ਵਿੱਚ ਓਂਕਾਰ ਸਿੰਘ ਬਟਾਲਵੀ ਨੂੰ 848, ਸਪਨ ਧੀਰ,ਨੂੰ 778 ਐਨ ਕੇ ਬਾਂਕਾ
ਨੂੰ 44 ਤੇ ਸਤਵਿੰਦਰ ਸਿੰਘ ਸਿਸੋਦੀਆ ਨੂੰ 36 ਵੋਟਾਂ ਹਾਸਲ ਹੋਈਆਂ। ਮੀਤ ਪ੍ਰਧਾਨ ਦੇ ਅਹੁਦੇ ‘ਤੇ ਜਸਦੇਵ ਸਿੰਘ ਬਰਾੜ ਨੇ 1618 ਵੋਟਾਂ ਹਾਸਲ ਕਰਕੇ ਜਿੱਤ ਪ੍ਰਾਪਤ ਕੀਤੀ, ਜਦੋਂਕਿ ਦੂਜੇ ਉਮੀਦਵਾਰਾਂ ਵਿੱਚ ਨਿਲੇਸ਼ ਭਾਰਦਵਾਜ ਨੂੰ 1511 ਤੇ ਗੌਤਮ ਭਾਰਦਵਾਜ ਨੂੰ 493 ਵੋਟਾਂ ਪਈਆਂ। ਸਿੱਧੀ ਟੱਕਰ ਵਿੱਚ ਮੀਤ ਪ੍ਰਧਾਨ ਦੀ ਚੋਣ ਸਵਰਣ ਸਿੰਘ ਟਿਵਾਣਾ ਨੇ ਜਿੱਤੀ।
ਉਨ੍ਹਾਂ ਨੂੰ 2142 ਤੇ ਵਿਕਰਾਂਤ ਪੰਬੂ ਨੂੰ 1481 ਵੋਟਾਂ ਹਾਸਲ ਹੋਈਆਂ। ਜੁਆਇੰਟ ਸਕੱਤਰ ਦੇ ਅਹੁਦੇ ‘ਤੇ ਪ੍ਰਵੀਨ ਦਹਿਆ ਨੇ 1604 ਵੋਟਾਂ ਲੈ ਕੇ ਕਬਜ਼ਾ ਕੀਤਾ ਜਦੋਂਕਿ ਦੂਜੇ ਉਮੀਦਵਾਰਾਂ ਵਿੱਚ ਡਾਕਟਰ ਕਿਰਨਦੀਪ ਕੌਰ ਨੂੰ 913, ਰੋਜੀ ਨੂੰ 236 ਤੇ ਭਗਿਆਸ਼੍ਰੀ ਸੇਤੀਆ ਨੂੰ 869 ਵੋਟਾਂ ਮਿਲੀਆਂ। ਖਜਾਨਚੀ ਦੇ ਅਹੁਦੇ ਲਈ ਸਿੱਧੀ ਟੱਕਰ ਵਿੱਚ ਸੰਨੀ ਨਾਮਦੇਵ ਨੇ ਹਰਵਿੰਦਰ ਸਿੰਘ ਮਾਨ ਨੂੰ ਮਾਤ ਦਿੱਤੀ, ਦੋਵਾਂ ਨੂੰ ਕ੍ਰਮਵਾਰ 2673 ਤੇ 950 ਵੋਟਾਂ ਪਈਆਂ। ਸ਼ੁੱਕਰਵਾਰ ਨੂੰ ਸਵੇਰੇ ਸ਼ੁਰੂ ਹੋਈ ਵੋਟਿੰਗ ਸ਼ਾਮ ਚਾਰ ਵਜੇ ਤੱਕ ਚੱਲੀ ਤੇ ਦੇਰ ਸ਼ਾਮ ਨਤੀਜੇ ਐਲਾਨੇ ਗਏ।
ਲੇਡੀ ਮੈਂਬਰ ਲਈ ਵੀ ਦੋ ਉਮੀਦਵਾਰ ਪ੍ਰਤਿਭਾ ਯਾਦਵ ਤੇ ਰਿਬਕਾਹ ਕੇ ਸਿੰਘਾਨੀਆ ਹੀ ਚੋਣ ਮੈਦਾਨ ਵਿੱਚ ਹਨ। ਮੁੱਖ ਬਾਡੀ ਤੋਂ ਇਲਾਵਾ 10 ਸਾਲ ਤੋਂ ਉੱਪਰ ਵਾਲੇ ਕਾਰਜਕਾਰੀ ਮੈਂਬਰਾਂ ਲਈ ਗੁਰਬਰਨ ਸਿੰਘ ਗੋਰੀਆ, ਸੰਜੈ ਤਾਂਗੜੀ, ਮੁਨੀਸ਼ ਭਾਰਦਵਾਜ, ਅਰਵਿੰਦਰ ਸਿੰਘ ਵਾਸੂ, ਸੁਖਦੇਵ ਰਾਜ ਕੰਬੋਜ, ਰਾਮਪਾਲ ਵਰਮਾ, ਪ੍ਰਵੀਨ ਕੁਮਾਰ ਰੋਹਿਲਾ, ਵਿਕਰਮ ਸਿੰਘ ਚੌਹਾਨ, ਗੌਰਵ ਗੋਇਲ, ਭੁਪੇਸ਼ਵਰ ਜਸਵਾਲ, ਚਰਨਜੀਤ ਕੌਰ, ਵਿਕਾਸ ਸੀਲ ਵਰਮਾ, ਬਲਵੰਤ ਕੌਰ, ਅਰੁਣ ਸ਼ਰਮਾ, ਸਰਵੇਸ਼ ਕੁਮਾਰ ਗੁਪਤਾ, ਮੋਨਿਕਾ ਜਾਂਗੜਾਤੇ ਪ੍ਰਿਤਪਾਲ ਸਿੰਘ ਮਿਗਲਾਨੀ ਦੇ ਨਾਮ ਸ਼ਾਮਲ ਹਨ।
ਇਨ੍ਹਾਂ ਚੋਣਾਂ ਵਿੱਚ, 10 ਸਾਲ ਤੋਂ ਘੱਟ ਪ੍ਰੈਕਟਿਸ ਵਾਲੇ ਕਾਰਜਕਾਰੀ ਮੈਂਬਰਾਂ ਲਈ ਚੋਣ ਲੜ ਰਹੇ ਉਮੀਦਵਾਰਾਂ ਵਿੱਚ ਆਜਾਦ, ਨਵੀਨ ਕਸ਼ਿੱਅਪ, ਸੰਦੀਪ ਢੱਲ, ਸ਼ਿਵ ਚਰਣ ਭੋਲਾ, ਨੀਰਜ ਜੈਨ , ਅਨੀਸ ਸ਼ਰਮਾ, ਭਾਰਤ ਭੂਸ਼ਣ ਜੈਨ, ਹਿਮਾਂਸ਼ੂ ਸ਼ਰਮਾ, ਸੁਮਨ ਬਿਸ਼ਨੋਈ, ਇੰਤਜ਼ਾਰ-ਉਲ-ਹਸਨ, ਵਿਪੁਲ ਗੋਇਲ, ਸੁਨੀਲ ਕੁਮਾਰ ਪਾਂਡੇ, ਸੁਖਚਰਨ ਸਿੰਘ ਗਿੱਲ, ਪਵਨਦੀਪ ਸਿੰਘ, ਹਾਰਦਿਕ ਆਹਲੂਵਾਲੀਆ, ਵਿਸ਼ਾਲ ਸਿੰਘ ਬੋਰਵਾਲ, ਅਜੈ ਸ਼ਰਮਾ, ਤੁਸ਼ਾਰ ਵਧਵਾ, ਰਿਸ਼ਵ ਸੋਨੀ, ਕਰਨ ਸਿੰਗਲਾ, ਆਨੰਦ ਕੁਮਾਰ ਮੌਰਿਆ, ਪਾਰਸ ਖਿੰਡਰੀ ਤੇ ਅਮਨ ਰੇੜੂ ਦੇ ਨਾਂ ਸ਼ਾਮਲ ਹਨ। ਡੈਜੀਗਨੇਟਿਡ ਸੀਨੀਅਰ ਮੈਂਬਰਾਂ ਵਿੱਚ ਜੀਐਸ ਬੱਲ ਤੇ ਰਾਕੇਸ਼ ਨਹਿਰਾਂ ਨਿਰਵਿਰੋਧ ਚੁਣੇ ਗਏ ਹਨ। ਲੇਡੀ ਮੈਂਬਰ ਤੇ ਕਾਰਜਕਾਰੀ ਮੈਂਬਰਾਂ ਲਈ ਗਿਣਤੀ ਸ਼ਨੀਵਾਰ ਨੂੰ ਹੋਵੇਗੀ।
